LORTUA! // Zilegi al da urtebeteko isuna jasotzea Munduko Pilota Txapelketan ikurrinarekin ateratzeagatik?
Iñigo Iturrate Ibarra

Proportziorik gabeko neurri baten aurrean gaude


Ikurrina era orokorrean ofizialki dagoen lurralde baten banderari dagokion ikurra da; beraz, Euskal Pilotaren Nazioarteko Federazioak Bixintxo Bilbao pilotariari ezarritako zigorra erabat legez kanpokoa da. 

Halaber, ziur nago erabaki horrek ez duela lagunduko euskal pilotaren jardueran inplikaturiko eragile (publiko zein probatu) guztien arteko harmonia eta elkar ulertzea lortzen. Ipar eta Hego Euskal Herriko pertsona askok Bixintxori animoak eman dizkio, baita Euskal Herritik kanpoko pertsonak ere. 

Dena dela, aplikaturiko zigorraren legezkotasunaz harago, dudarik ez dago proportziorik gabeko neurri baten aurrean gaudela. Pilotariak kirol-txapelketetan hamabi hilez parte hartzeko debekua jaso du, eta arautegiak berak debekatzen omen ez duen egintza baten aurrean gaude.

Hori dela eta, Eusko Jaurlaritzak gutun bat bidali dio Euskal Pilotaren Nazioarteko Federakuntzari Bixintxo Bilbaok jaso duen zigorra ikurrina erakusteagatik kentzeko; izan ere, inori mesede egiten ez dion giro bat sortuko du. Sentsibilitate ezberdinak daude, guztiak errespetagarriak, euskal pilotaren kirol-modalitatean inplikaturiko eragile ezberdinetan.

Era berean, Izaskun Bilbao eurodiputatu jeltzaleak uste du erabaki horrek Oinarrizko Eskubideen Europako kartaren 15., 21. eta 22. artikuluak urratzen dituela; horrexegatik, Batasuneko exekutiboari eskatu diogu legeria loteslea proposatzea Europako nazio gutxituen eskubideak babesteko.


 Compartir
Iñigo Iturrate Ibarra
 Pregunta LORTUA! // Zilegi al da urtebeteko isuna jasotzea Munduko Pilota Txapelketan ikurrinarekin ateratzeagatik?

LORTU DUGU! Kendu didate ezarri zidaten zigorra. Mila esker guztiei zuen babesengatik!

Eusko Legebiltzarreko politikariei,

Bixintxo Bilbao naiz, Ziburuko pilotaria eta 2018ko urritik Munduko Euskal Pilota txapelketako irabazlea.

Izugarria izan zen nire kideekin batera munduko txapelketa irabazi izana baina podiumera igotzean okertu zen dena. Nire garaipena ikurrinarekin ospatzeagatik, Eusko Pilotaren Nazioarteko Federakuntzak 12 hilabeteko isuna ezarri dit frontoietan jokatzea galarazita.

Salaketa publiko honen bidez, mahai gainean isun hau legez kanpo dagoela salatu nahi dut, Ikurrina gurea dela aldarrikatu eta txapelduna izateagatik geurea denarekin ospatzea zilegi dela.

Eusko Legebiltzarra: Mesedez, hitz egin ezazue, Federakuntzarekin isun hau atzera bota dezaten.

Mila esker,

Bixintxo.

Enviada por
Bixintxo Bilbao Bixintxo Bilbao
1239 de 300 Apoyos
25.02.2019

Únete a Osoigo

¿Eres político y estás interesado en participar en Osoigo?

Contacta con nosotros