Pasa diren lau urte hauetan gobernu lanetan aritu ondoren, Zarauzko EHBilduk garbi dauka gastu politikorako bideratu ziren kostuak nahikoak direla herritarrentzat lanean aritzeko. Bilduren gobernuak gastu hori %48 murriztu zuen eta soldata duin batzuekin politika egitea posible dela ikustarazi du.

Orain ordea, gobernu ardura hartu duten bi talde politikoek (PNV-PSE), Irabazi Zarautzen oniritziarekin, politikarientzat bideratu dituzten baliabide ekonomikoak mugagabezko igoera izan dute, Gobernuaren gastu politikoa %78 igo delarik eta alkatearen soldata, %19. Gain kostu hauek Udal aurrekontuetako partidetatik ordaindu beharko dira, zehazki udal langileei soldatak eta kontingentziak ordaintzeko partidetatik, horrek herritarren gain izan dezakeen eraginarekin.

PNV-PSE gobernu berriak, EHBilduren gobernuak finkatako eredu irizpideak jarraitu beharko lituzke. Hori izan zen, hain zuzen, Udal Batzarrean proposaturikoa, politikari guztien liberazioak arrazoizko mugetara gerturatzea, kontuan izanik herritarrok pairatzen ari garen momentu ekonomikoa.